قصيدة: رميت الماضي لـ تالين محمد

رميت الماضي بكل مآسيه
وقولت هاعيش حياتي
وهاشوف في كل شئ الخير
وعشان أرتاح واروق دايماً
بقارن نفسي دلوقتي ببداياتي
عايز تصاحبني أهلاً بيك
وتسمعلي حكاياتي
طريقي بسيط بلون الورد
وبابي قافله بالمفتاح
لا عمري ادور على حد
ولا أفتش في ماضي كله جراح
و هي دي قوانيني
إذا حبيت ف يوم ترتاح
لا بزعل ف يوم من حد
وبتصالح
ومش فارقه مين ابتدا بالود
مش صامت طول الوقت
وببوح بقلمي وكتاباتي
وليه م الأساس أبات
ودمعتي ع الخد
وليه ألوم نفسي ليلاتي
مابكره جنايني تطرح ورد
وإن كان على رسايلي فنسيتها
ومش فارقه إيمتا ترد
مش فارقة بدونك أو معاك
فمن النهاردة ابتديت
ودلوقتي بس فرحت
تشوفني مختلف عنهم
ففرحتي بتعم
وحزني يدوبك ع القد

للمزيد : تابع خليجيون 24 ، وللتواصل الاجتماعي تابعنا علي فيسبوك وتويتر